ನಿನ್ನ ಮಲ್ಲಿಗೆಯ ಮೈಯ ಸುಡುವ
ಸೂರ್ಯನಾ ತಡೆವ ಬಿಳಿಮೋಡ
ನಾನಾಗಲೇ ಗೆಳತಿ ನಾನಾಗಲೇ
ಕೊರೆವ ಚಳಿಗೆ ನಡುಗುವ ನಿನ್ನ ಮೈಗೆ
ಬೆಚ್ಚನೆಯಾ ಮೃದು ಹೊದಿಕೆ
ನಾನಾಗಲೇ ಗೆಳತಿ ನಾನಾಗಲೇ
ಸುರಿವ ಮಳೆಗೆ ನೆನೆವ ನಿನ್ನ ಮೈಗೆ
ಅಡ್ಡಳಾಗಿ ನಿಲ್ವ ಚಾವಣಿ
ನಾನಾಗಲೇ ಗೆಳತಿ ನಾನಾಗಲೇ
ಮುಂಜಾನೆಯ ಹಕ್ಕಿಗಳ ಚಿಲಿಪಿಲಿ
ಕೇಳಿ ನಲಿವ ನಿನ್ನ ಕಿವಿಗಳು
ನಾನಾಗಲೇ ಗೆಳತಿ ನಾನಾಗಲೇ
ಗೋಧೂಳಿಯ ಹೊತ್ತಿನಲಿ ಮುಸ್ಸಂಜೆ ಸೂರ್ಯನನ್ನು
ನೋಡಿ ನಲಿವ ನಿನ್ನ ಕಂಗಳು
ನಾನಾಗಲೇ ಗೆಳತಿ ನಾನಾಗಲೇ
ಕೊನೆ ಘಳಿಗೆವರೆಗೂ ಪ್ರತಿ ಘಳಿಗೆಯಲ್ಲೂ
ನಿನ್ನೊಂದಿಗಿರುವಾ ಬಿಸಿಯುಸಿರು
ನಾನಾಗಲೇ ಗೆಳತಿ ನಾನಾಗಲೇ
ಏನಾಗಲಿ, ಏನಾಗದಿರಲೀ
ನಿನ್ನ ಕೈಪಿಡಿದು ಸಂಗಾತಿಯಾಗುವ ಸೌಭಾಗ್ಯ
ನನ್ನದಾಗಲೀ ಗೆಳತಿ ನನ್ನದಾಗಲಿ
ತ್ರಾಣವಿಲ್ಲದಾ ನಿನ್ನ ಕಾಲ್ಗಳ ಚೈತನ್ಯದಾ ಹೆಜ್ಜೆಗಳು
ನನ್ನದಾಗಲೀ ಗೆಳತಿ ನನ್ನದಾಗಲಿ
Subscribe to:
Post Comments (Atom)
No comments:
Post a Comment